برازیلی میڈیا کے مطابق حادثہ اس وقت پیش آیا جب دونوں ہیلی کاپٹر دورانِ پرواز ایک دوسرے سے ٹکرا گئے۔ تصادم کے بعد ایک ہیلی کاپٹر قریبی الیکٹرک کار پارکنگ میں جا گرا۔

حکام کا کہنا ہے کہ ہیلی کاپٹر گرنے کے باعث پارکنگ میں موجود کم از کم 20 گاڑیوں میں آگ بھڑک اٹھی، جو دیکھتے ہی دیکھتے جل کر خاکستر ہوگئیں۔

رپورٹس کے مطابق حادثے میں دونوں ہیلی کاپٹروں میں سوار 6 افراد جان کی بازی ہار گئے۔

برازیلی حکام نے واقعے کی تحقیقات شروع کر دی ہیں، جب کہ حادثے کی وجوہات جاننے کے لیے شواہد اکٹھے کیے جا رہے ہیں۔