ہیگستھ نے کہا کہ یہ کارروائی بین الاقوامی پانیوں میں کی گئی اور ہدف وہ کشتی تھی جو امریکی انٹیلی جنس کے مطابق منشیات اسمگلنگ میں ملوث تھی اور معروف نارکو-ٹریفکنگ روٹ پر سفر کر رہی تھی۔

ان کا دعویٰ تھا کہ حملے میں مارے گئے افراد "منشیات فروش دہشت گرد" تھے اور اس کارروائی میں کسی امریکی اہلکار کو نقصان نہیں پہنچا۔

ہیگستھ نے کہا کہ یہ عناصر امریکی ساحلوں تک منشیات پہنچا کر امریکی عوام کو زہر دینے کی کوشش کر رہے تھے اور انہیں ناکام بنایا گیا۔

انہوں نے اعلان کیا کہ محکمہِ دفاع ایسے گروہوں کے ساتھ ویسا ہی برتاؤ کرے گا جیسا القاعدہ کے ساتھ کیا گیا، ان کا کہنا تھا کہ ان کا پتا لگانا، نقشہ بنانا، تعاقب اور ہلاک کرنا جاری رہے گا۔