مونٹیری اسٹیڈیم میں کھیلے گئے اس اہم میچ کے دسویں منٹ میں علی الحمادی نے گول کر کے عراق کو برتری دلائی، تاہم بولیویا کے موئسس پانیگوا نے ہاف ٹائم سے قبل گول کر کے مقابلہ برابر کر دیا۔

دوسرے ہاف میں ایمن حسین نے شاندار گول کر کے عراق کو ایک بار پھر برتری دلائی، جو میچ کے اختتام تک برقرار رہی۔ اس فتح کے نتیجے میں عراق کینیڈا، میکسیکو اور امریکا میں شیڈول فیفا ورلڈ کپ کے لیے کوالیفائی کرنے والی 48ویں اور آخری ٹیم بن گیا۔

واضح رہے کہ عراق کو ورلڈ کپ کے گروپ آئی میں شامل کیا گیا ہے، جہاں اسے فرانس، ناروے اور سینیگال جیسی مضبوط ٹیموں کا سامنا ہوگا۔ عالمی کپ کا آغاز 11 جون سے ہوگا اور فائنل 19 جولائی کو کھیلا جائے گا۔