پی ٹی اے کے مطابق ٹیلی کام آپریٹرز کو ان سمز کو بند کرنے کا اختیار حاصل ہے جن کا 180 دن سے کال، میسج یا انٹرنیٹ استعمال نہیں کیا گیا۔ ایسی غیر فعال سمز بند کر دی جائیں گی اور متعلقہ نمبر کسی دوسرے صارف کو جاری کر دیا جائے گا۔

اتھارٹی نے واضح کیا ہے کہ سم کسی دوسرے صارف کو جاری ہونے کے بعد سابق مالک کا اس پر کوئی قانونی دعویٰ باقی نہیں رہتا۔ تاہم صارفین تحریری درخواست یا ای میل کے ذریعے آپریٹر سے رابطہ کر کے مخصوص مدت کے لیے اپنی سم کی ملکیت برقرار رکھ سکتے ہیں۔

پی ٹی اے نے صارفین کو ہدایت کی ہے کہ کسی بھی ممکنہ پریشانی سے بچنے کے لیے اپنی سمز کا باقاعدہ اور ذمہ دارانہ استعمال جاری رکھیں۔