تفصیلات کے مطابق نیا ڈیزائن کیا گیا لوگو 1960 کی دہائی کے اصل نشان سے متاثر ہے اور یہ 2027 کے ماڈلز سے شروع ہونے والی تمام نئی گاڑیوں، ڈیلرشپس اور موٹر اسپورٹس کی سرگرمیوں میں استعمال ہوگا۔

موجودہ لوگو کو ہونڈا آٹو موبائلز کی نمائندگی کے لیے پہلی بار 1963 میں متعارف کرایا گیا تھا اور کمپنی کی آٹو موبائل مصنوعات اور کاروباری سرگرمیوں میں ہمیشہ ’ایچ‘ کا نشان ہی استعمال ہوتا رہا ہے۔

’ایچ‘ کے اس نشان کو نئی جنریشن کی برقی گاڑیوں جن میں ہونڈا زیرو سیریز بھی شامل ہے کے پیش نظر جدید شکل دی گئی ہے۔

لوگو میں یہ تبدیلی کمپنی کے وقت کے ساتھ بدلنے کے عزم، نئے چیلنجز سے نمٹنے اور جدت کو اپنانے کے مزاج کی عکاسی کرتی ہے۔