ان ملاحوں کی جلد اور محفوظ وطن واپسی کے لیے سفارتی سطح پر انتظامات کو حتمی شکل دی جا رہی ہے۔
نائب وزیراعظم اور وزیر خارجہ اسحاق ڈار نے اس پیش رفت کی تصدیق کرتے ہوئے بتایا کہ یہ گزشتہ 2 ماہ کے دوران پاکستان کے راستے وطن واپس جانے والا ایرانی شہریوں کا چوتھا دستہ ہوگا۔
انہوں نے بتایا کہ پاکستان اب تک 70 سے زیادہ ایرانی شہریوں کی وطن واپسی میں فعال کردار ادا کر چکا ہے
وزیر خارجہ اسحاق ڈار نے سماجی رابطے کی ویب سائٹ ’ایکس‘ پر اپنے پیغام میں ملاحوں کی کراچی آمد کی تصدیق کرتے ہوئے کہا کہ پاکستان، ایران کے سفارتی مشنز کے ساتھ مل کر ان ملاحوں کی جلد اور محفوظ وطن واپسی کو یقینی بنانے کے لیے پرعزم ہے۔
انہوں نے اس عمل میں وزارت خارجہ کی ٹیم اور متعلقہ پاکستانی اداروں کی پیشہ ورانہ مہارت اور عزم کو بھی سراہا۔
یہ واقعہ 28 فروری 2026 سے بین الاقوامی پانیوں میں شروع ہونے والی کشیدگی کے تناظر میں سامنے آیا ہے، جس کے دوران امریکا نے کئی ایرانی جہازوں کو روک لیا تھا۔
اس سے قبل مئی کے مہینے میں بھی پاکستان نے کنٹینر جہاز ’ایم وی ٹوسکا‘ کے 22 ایرانی عملے کی واپسی میں معاونت کی، جسے واشنگٹن اور تہران کے درمیان ایک اہم ’اعتماد سازی کا اقدام‘ قرار دیا گیا تھا۔
مزید پڑھیں: پاکستان کا خطے میں امن کے لیے کردار جاری رکھنے کا عزم، اسحاق ڈار کا ایرانی وزیر خارجہ سے رابطہ
وزیر خارجہ اسحاق ڈار نے مشکل وقت میں پاکستان پر اعتماد کا اظہار کرنے پر ایرانی قیادت کا شکریہ ادا کیا اور اس بات کا اعادہ کیا کہ پاکستان خطے میں امن اور انسانی ہمدردی کے فروغ کے لیے اپنی سفارتی کوششیں جاری رکھے گا۔
