ترجمان دفتر خارجہ کے مطابق اسحاق ڈار نے اس موقع پر زور دیا کہ تمام فریق جون 2026 کی اسلام آباد مفاہمتی یادداشت (Islamabad MOU) کے تحت کیے گئے وعدوں کی پاسداری کریں، کشیدگی میں کمی لائیں اور تحمل کا مظاہرہ کریں۔
وزیر خارجہ نے کہا کہ خطے میں دیرپا امن و استحکام کے لیے مذاکرات اور سفارتکاری ہی واحد مؤثر راستہ ہیں، جبکہ پاکستان خطے میں امن، استحکام اور تنازعات کے پرامن حل کے لیے اپنا تعمیری کردار جاری رکھنے کے لیے تیار ہے۔
Deputy Prime Minister/Foreign Minister Senator Mohammad Ishaq Dar @MIshaqDar50 held a telephone conversation today with His Excellency Seyyed Abbas Araghchi, Foreign Minister of the Islamic Republic of Iran. @araghchi
— Ministry of Foreign Affairs - Pakistan (@ForeignOfficePk) July 12, 2026
Both leaders exchanged views on the evolving regional… pic.twitter.com/WuRxnROwwp
ترجمان کے مطابق دونوں وزرائے خارجہ نے موجودہ علاقائی صورتحال پر قریبی مشاورت جاری رکھنے اور باہمی رابطے برقرار رکھنے پر بھی اتفاق کیا۔
دوسری جانب نائب وزیراعظم اسحاق ڈار نے سوشل میڈیا پلیٹ فارم ایکس پر بھی رابطے کی تصدیق کرتے ہوئے کہا کہ انہوں نے ایرانی وزیر خارجہ کے ساتھ خطے کی صورتحال پر تفصیلی گفتگو کی اور اسلام آباد مفاہمتی یادداشت کے مطابق کشیدگی میں کمی، تحمل اور سفارتکاری کو آگے بڑھانے کی ضرورت پر زور دیا۔
انہوں نے کہا کہ پاکستان خطے میں امن و استحکام کے فروغ کے لیے اپنا مثبت اور تعمیری کردار جاری رکھنے کے عزم پر قائم ہے۔
