عالمی اور مقامی مارکیٹوں میں جمعہ کے روز سونے کی قیمتوں میں کمی ریکارڈ کی گئی۔
خبر رساں اشاعتی ادارے بزنس ریکارڈر کے مطابق عالمی بلین مارکیٹ میں سونے کی قیمت 11 ڈالر کی کمی سے تین ہزار چھ سو ستاون ڈالر فی اونس ہوگئی۔
عالمی سطح پر سونے کی قیمت میں کمی کے باعث مقامی مارکیٹ میں بھی سونا سستا ہوگیا۔ آل پاکستان سپریم کونسل جیولرز ایسوسی ایشن کے مطابق ملک میں فی تولہ سونے کی قیمت 1100 روپے کی کمی کے بعد تین لاکھ ستاسی ہزار پانچ سو روپے مقرر کی گئی۔
اسی طرح دس گرام سونے کی قیمت نو سو تینتالیس روپے کی کمی سے تین لاکھ بتیس ہزار دو سو اٹھارہ روپے پر آگئی۔ جمعرات کے روز سونے کی فی تولہ قیمت تین لاکھ اٹھاسی ہزار چھ سو روپے پر مستحکم رہی تھی۔
ادھر چاندی کی قیمت میں معمولی اضافہ دیکھا گیا۔ رپورٹ کے مطابق فی تولہ چاندی کی قیمت انتیس روپے کے اضافے سے چار ہزار چار سو سینتالیس روپے ہوگئی۔
ماہرین کے مطابق عالمی مارکیٹ میں سونے کی قیمت میں حالیہ کمی ڈالر کی قدر میں اتار چڑھاؤ اور سرمایہ کاروں کے بدلتے رحجانات کا نتیجہ ہے۔ مقامی سطح پر بھی قیمتوں میں اتار چڑھاؤ کا دارومدار بین الاقوامی رجحانات پر ہوتا ہے۔
واضع رہے کہ حکومت یا کسی متعلقہ ادارے کی جانب سے سونے کی قیمتوں میں کمی پر کوئی باضابطہ ردعمل سامنے نہیں آیا۔ معاشی ماہرین کا کہنا ہے کہ اگر عالمی سطح پر یہی رجحان برقرار رہا تو آئندہ دنوں میں مقامی مارکیٹ میں سونے کی قیمتوں میں مزید کمی ممکن ہے۔
